Beiträge zur Genealogie der adligen Geschlechter 1 (Strange)/085

Dritte Urkunde vom J. 1381.

Ich Johan butzschart van Andernache Ritter vayt zu waldorff vnde Hille myne Eliche husfrauwe, wir doin kunt allen luden vnde bekennen myt halme vnde myt monde vffenklichen in dysem brieue Dat mir (sic) mit samender hant zu rechtme erkauffe (sic)verkaufft hain vnde myt halme vnd myt monde vffgedrain hain verkeuffen vnde vffdreen yn dysem brieffe heren syfferde walpboden Ryttere zu Andernache vnde frauwen Gutten syner elich husfrauwen dye vur sich vnde yre kyndere dy sy mit eyn ander myt der helffen gotz erworuen haint vnde noch erweruen mogent dye van heren Syffartz bloide vurg. komen sint vnde noch komen mogent vmme vns rechtlichen vnde bescheydelichen vergolden haint alle vnse ackerlant dat wir hain in andernacher merken so wie dat gelegin is Also dat dy vurgenante elude here syfart vnde frauwe Gutte vnde dy vurg. ire kindere als nu vortme erflichen vnde ewelichen mit deme vurg. ackerlande duin laieszen brechen vnde butzen mogen vnde dar mede alle iren wyllen schaffen vnde wir verzygen luterlichen myt halme vnde myt monde myt samender hant in dysem brieue des vorg. ackerlantz vnd wat wir rechtz dar an hain, in hant vnde gewalt der vurg. elude heren syfartz frauwen gutten, vnde der vurg. yre kindere vortme vns noch keynen vnsen eruen dar an keyn recht zu behalden, Ouch vortme Bekennen wir myt halme vnde mit monde mit samender hant in dysem brieue, den vorg. eluden heren syfarde frauwe Gutten vnde den vorg. yren kinderen van deme vorg. ackerlande rechte werschaff zu doyne as zu andernach erues recht is, Vnde alle argelist sy hye van vyszgescheyden, In vrkunde vnde gezuge dyeser vorg. dinghe, so hain wir gebeden Erbere scheffen zu andernache Johan van hamerstein heren Johan waltelin Rytter vnde Contzen dommelier dat sy ire Ingesyegele an dyesen brieff haint gehangen Des wir scheffen ytzunten ghyen dat it wair is, Datum anno domini M. CCC. Lxxx primo penultima die mens. aprily-

Vierte Urkunde vom J. 1415.

Ich Henne Wyrich Katherine syn elich wyff Heintze Eszelere Elsse syn elich wyff Frederich van Eych Emelle syn elich,wyff Henne Laufferyse der Jonge Gerdruid syn elich wyff