Beiträge zur Genealogie der adligen Geschlechter 5 (Strange)/107

den Juncvrauwen eren paeght bezalen Ind dat pennynch gelt ind dat hoynre gelt dat zu Hoynchen vp dat huus ghehorte dat sal vnse syn Ind dye houestat dye gheleyghen ys zu Wyddeshouen dye wanne was Gotzschalchz van Hoynchen dye sal vnse syn in al der wys as sy gheleyghen ys Ind dye zua hultz ghewelde vp Hoyncher broyghe ind dye Esfoyder dye vp dat huus ghehorten dye solent vnse syn Vort sal alle dat land ind wyere ind Erue dat zu deyme huus ind hoyue ghehorte zu Hoynchen myt deyme huus ind hoyue ind wyeren syn Adamz ind synre Eruen, aeyn eyne dye houe lants dye was vnder pant wanne was heryn Stephyns Rytters van Hoynsteyden dye sal vnse syn Ind vort al dye arvortderunghe van der houen lantz zu Anstel dy sal vnse syn Ind alle argelyst vs ghenomen in allen desen sagghen in vrkunde alle deyser vurghenanther vurwarden Ind ich Petersse vurghenant ind myne kyndere vurghenanthe dat wir noch vnser Eruen nummer en gheyn ane Adam noch ane synen Eruen nummerme arvortderen in solen alz sulg eyn goet as hee vur ghenant ys Ind so haeyn ich Peterse vurghenanth ind Walrayue myn sun ind Jutta ind Gertruyd, Geue ind Lysa myne dogther vurghenanth ghebeyden Eynen Edelen man myne heryn Wynand van Genphe Canoynch van me Doyme zu Collen ind Dederych Runckart van Eysz ind Brune van Halle dat sy ere seygyl hanghen ane deysen breyf zu eynre meyrre kunden ind wayrheyden--Dyt ys ghescheyt in deyme Jare vns heyrren do man screyf Dusent Druhundert vyere ind veyrchygh des eyrsten manendaghes in den Merche . . .

3.Ritter Andreas Smeych von Liessingen überweist die Pensionen einer Schuld von 500 Rheinischen Gulden, die sein Schwager Werner von Vlatten von wegen der Mitgift seiner Schwester Loretta von Liessingen noch zu fordern hat, an einen Hof zu Grotenherten, den ihm seine Gattin Guitgen von Nyvenheim zugebracht, und bestimmt wie diese Schuld nach seinem Tode erledigt werden solle, v. J. 1408.

      Ich Andreys Smeich van Leissingen Ritter Doin kunt allen luden ind bekennen vur mich ind myne eruen oeuermytz desen brieff Also as ich Werner van Vlatten myme swager schuldich bin vunffhundert Rynsche gulden hilichs geltz van wegen Letten mynre suster syme elichen wyue, da van ich in des Jairs geuen sall vunffzich Rinsche gulden na hilichs reichte ind gewoynden,