Beiträge zur Genealogie der adligen Geschlechter 5 (Strange)/108

GenWiki - Digitale Bibliothek
Beiträge zur Genealogie der adligen Geschlechter (Strange)
1  2  3  4  |  Heft 5  |  6  7  8  9  10  11  12 Inhalt  |  Beilagen  |  Berichtigung
Glossar
<<<Vorherige Seite [107]	Nächste Seite>>> [109]
Datei:Strange 05.djvu
Hilfe zur Nutzung von DjVu-Dateien
Texterfassung: korrigiert
Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.

die ich in bewyst han an eyme hoeue mit synen zobehoyren gelegen zo sente Margareten Herten den vrauwe Guytgin van Nyuenheym myn elich huysfrauwe zo mir bracht hait, na inhalt eyns pryncipails brieffs den die vurs. Werner ind Lette dar up besiegelt hant Ind want ich brieue ind gelouuen gelacht han hinder Heynrich van kruythusen da myn moeder jre lyffzucht an hait mit namen eynen brieff sprechende up Dame van kelse Ind eynen brieff sprechende up Bomel van hetzingen Ind eynen up die beynde zu Louennich Ind eynen brieff up dry Amen wyntz zo Wynden Ind eynen brieff sprechende up Arnolt van Stocheym Ind die brieue van ysacks wyue van Bulhesheym Ind eynen brieff van dem goede zo Noemenich Ind eynen brieff van Roeuenich: her vmb bekennen ich oeuermytz diesen brieff dat id mit myme gueden willen is wanne die vurs.myn moeder gestoruen ind van diesme ertrych gescheyden is dat asdan de vurs. Heynrich van kruythusen die vurs. brieue oeuergeuen sall der vurs. vrauwe guytgin van Nyuenheim off eren reichten eruen off sy afflyfiich worde e myn moeder doch also dat sy ind ich vnsser beider lyffdaghe lanck na dode mynre moeder alle Rente ind gulde in den seluen brieuen begriffen Ind ouch den hof zo sente Margareten Herten hauen ind behalden soelen zo vnsme nutz ind vrbere Ind off wir steruen ain wyssliche geburt van vns beiden geschaffen leuendich zo laissen so soelen die neiste eruen der vurs. vrauwe guytgins van Nyuenhem an die dat de vurs. hoff zo sente Margareten Herten mit reichte veille ind herstorue die vurs.brieue in alle yrre moigen ind macht vur sich hauen ind behalden bis as langhe dat myne eruen in den vurs. hoff gevryet hauen van den vurs. vunffhundert Eynsche gulden hilichs geltz da mit ich den besweirt han Ind wanne de vurs.hoff van deme vurs. hilichs gelde also gevryet is so soelen die eruen der vurs. vrauwe guytgins van Nyuenheim die vurs.brieue vry ind ledich oeuergeuen mynen eruen den die mit reichte dan geburden ain eymans hyndernisse Ind sunder alle argelist in dieser dinghe Zo vrkunde ind gantzer steytgeit so han ich Andreys Smeich van Leyssingen myn Ingesegell vur mich ind myne eruen an diesen brieff gehancgen Ind ich han vort gebeyden myne lieue maghe ind vrunt mit naymen koyngin van Brantscheit ind friderich van Steppenroide dat sy ere