Nemmenich/Zufallsfunde

• 1576. Joist Luninck, scholtis vort Johan Weidennist, burgermeister, und Johan Muller, kuhrmeister, am 22. february anno et cetera [15]76.
• Uff vorschrieben datum, als meister Johan Hoiffschmit von Nymmenich underthenigs gebetten und angehalten, seiner vordochter Giertgen, von ime und etwan Nietgen, seiner hausfrauwen seliger geschaffen, vormunder anzustellen, der ursachen, dweill seine erbgueter alhie zu Siegbergh gelegen, etlicher maissen beschwert, auch die behausung am Driesch bauwens von noeten, das alsolche beschwer, sovill muglich, abgelacht, auch die reparation am hauß geschehen möchte et cetera.
• Demnach, in erwegung, das solcher bitt als hochzimlich statt zu geben gewesen, hat obgemelter scholtiß in namen und von wegen meines erwirdigen lieben Herren solchem kindt zu vormundern gestalt und angesatzt, Petern Leinenweber am Driesch und Petern Zimmerman, wilche sothanige curatorschafft oder vormunderschafft mit handtastung angnomen und ermeltem pflegkindt sein bestes vorzukeren und arges zu verhueten bei iren manlichen ehren und trauwen an eidtzstatt gelobt haben, alles auff geburliche und rechtmässige rechnung, sonder argelist.
• [Historisches Archiv der Stadt Siegburg: Schöffenprotokolle des Siegburger Schöffengerichtes 1415-1662, A II/18, Bl. 137v-137r; Edition: W. Günter Henseler, Kierspe.