Topographia Bavariae/060
| GenWiki - Digitale Bibliothek | |
|---|---|
| Topographia Bavariae | |
| Inhalt | |
| A B C D E F G H I J K L M N O P Q R S T U V W X Y Z | |
| <<<Vorherige Seite [059] |
Nächste Seite>>> [061] |
| |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
Vnderhalb dieser Statt/ ligt der Fleck Kunken/ nicht weit von der Thonaw/ vnd gegen Hoffkirchen über/ oder bey der Antonio Quintiana Castra, vnd/ in der Notitia Imperii, Quintana, genent wird: daselbst der Priester S.Silvinus, vmbs Jahr 460. ohngefehr/ gelebt hat; dessen Eugippius, in vita S.Severini, gedencket.
Oetting.
Dieses ist auch ein Bayrische/ aber in OberBayern gelegene/ vnd in die Fürstliche Regierung Burckhausen gehörige Statt; Hat ein LandGericht/ in welchem seyn der Marckt Tißling[1]/ ein Closter/ 2.Schlösser/ 7.Adeliche Sitz/ 8.Hoffmarchen/ sampt den Dörffern/ vnd andern Gütern. Es ligt diese Statt/ so zum Vnterschied deß Oettingen im Rieß/ Bayrisch Oettingen [2]genant wird/ an dem Schiffreichen schnellen Wasser dem Jnn/ 8. Meylen von Saltzburg. Theyls vermeynen habe vor Zeiten Pons AEni geheissen; aber Cluverius hält alten Hohenaw (daselbst ein Jungfraw Closter/ Dominicaner Ordens/ von Graf Conraden/ von Wasserburg gestifftet/ darfür. Jn tomo 3.Metrop.Salisburgens. stehet am 59. Blat/ daß Vto, oder Oto, Hertzog in Bayern/ ein Sohn Theodonis I. so sonsten der Grosse genennet wird/ seinen Sitz/ Hoffhaltung/ vnd Gerichtstul allhie angeordnet/ vnd den Orth nach ihme Oettingen/ oder Huodingen/ zu nennen befohlen habe. Siehe aber von dem Vrsprung deß Namens/ was Marcus Velserus libro 3.rerum Boicarum pagin.186. wieder andere/ schreibet. Wegen deß guten Lagers/ Vogellfangs/ Jagten/ Fischereyen/ haben die Könige vnd Fürsten in Bayern gat viel allhie aufgehalten; seyn auch allda/ wegen der Hunnen vnnd Vngarn stätigen Vberfalls deß Norici, die Fürsten deß Reichs offtmals zusammen kommen. Vnd wird in Mitten der Kirchen S.Philippi vnd Jacobi/ die Begräbnus der König vnnd Fürsten gewiesen. (S.Ruupertus hat obgedachten Diethen deß grossen Sohn Othen/ Hertzogen in Bayern/ allhie getaufft/ vnd die Kirchen/ so er/ der Fürst/ bei seinem Pallast erbawet/ Christo vnd seiner werthen Mutter/ geweyet/ so zu der alten Capell nenandt wird. Vnd stehet in tomo 2.Metropol.folio.403. daß Hertzog Maximilian in Bayern An. 1606. den Jesuitern jhr Residentz vnd Wohnung/ so sie Anno 1591. bey der vralten vnser Lieben Frawen Caoellen/ zu alten Oettingen angestellt/ bestättigt/ vnd für eygenthumblich vbergeben/ vnd aller Beschwärnuß befreyet habe. Theils schreiben den Baw vnser L.FrawenKirche dem Kayser Carolo Magno zu. Die Vngarn haben folgends alt Oettingen verbrandt/ biß auff die besagte alte Capell/ zu welcher viel Walfahrten geschehen. Vnd ist die Vorstatt hernach zur Statt worden/ so jetzt New Oettingen an dem Jn/ wie gesagt/ gelegen/ zum Vnterschied deß gedachten Alt Oettingen/ so bey einer viertel Meil weiter davon ligt/ genandt wird/ so An.907. geschehen seyn solle. Vorhero vmbs Jahr 876. hat Carolomannus, König Ludwigs in Bayern vnnd Jtalien/ ein Sohn König Ludwigs in Bayern vnd Francken/ vnnd Kayser Ludwigs deß Ersten Enckel/ so viel allhie gewohnt/ auch da am Schlag Annno 880. gestorben/ vnd begraben worden/ ein ansehenlich Benedictiner Closter erbawet/ vnd solches mit stattlichen Einkommen/ in Teutschland/ vnd Jtalia begabet/ auch vieler Heiligen Gebein/ vnd Reliquien, als S.Maximiliani, der Heil Felicitas, sampt dem Arm deß Heil.Philippi, dahin gebracht. An.1228. hat Hertzog Ludwig in Bayern/ Pfaltzgraff/ allda ein Weltlich Stifft darfür/ von zwölff ChorHerren/sampt einem Dechant/ vnd einem Probst/ angerichtet/ deren Pröbste der erste war Fridericus Stripius vmbs Jahr 1231. der 15. in der Ordnung/ Johannes Mayer/ hat den ersten Stein der jetzigen Collegiat- oder Stifftskirchen zu S.Philippo vnd Jacobo, in dem Flecken Alt Oettingen/ nicht weit vom Jn/ vnd wie oben gesagt/ vn der Statt New Oettingen/ gelegen/ gelegt/ so Anno 1508. gestorben. Der 21. Probst allhie war Martinus Eysengrein/ der Heyligen Schrifft Doctor/ welcher vn den Antiquitäten vnnd Monumenten zu Oettingen ein Büchlein/ in Teutscher Sprach/ An.1571. in den Truck hat kommen lassen. Jst Saltzburgisch. Dicecesis. Kays.Arnolph hat einsmals die Vngarn an diesem Ort geschlagen.